قصائد مكتوبة

قصائد مكتوبة »

ماتت وأنا ماتت حياتي معها

ماتت وأنا ماتت حياتي معها
مرثية في والدتي الغالية رحمها الله
التي وافتها المنية في 14/11/1439هـ



راحت وهي كل البشر تنعاها=والناس محزونه على فرقاها

الغالية حبيبتي المحبوبة=أمي ومدري كيف أنا بسلاها

ماتت وانا ماتت حياتي معها=ومات الفرح كل الفرح وياها

بدونها انا دنيتي ماتسوى=و بدونها كل الحياه اشقاها

ياقبرها هون عليها الضمة=ولو حق لي دخلت لأجل احماها

ايه انتبه ياقبر هاذي أمي=لاتلومني لو قلت أنا بأفداها

يارب كم أمي تشيل وتصبر=على المرض في صبرها تجزاها

وترفع مكانتها بروض الجنه=وإنك تجازيها على ماجاها

وحتى وهي ف اقسى مرضها كانت=ماتشتكي ولا تبوح أشفاها

تسبح وتستغفر بأصابع يدها=بحكم ربي راضيه برضاها

ياربنا ترضى عليها دائم=وجنة عدن ياجعلها سكناها

يارب صبرني على غيبتها=لأني وربي مستحيل انساها

أمي ترى مامثلها في الدنيا=ومثلها في الكون مانلقاها

الطيب والأخلاق من شيمتها=سبحان من بأخلاقها حلاها

هذي الكريمة في عطاها دائم=هذي العظيمة فصبرها وقواها

هذي اليتامى كلهم يبكوها=حتى الفقارى فاقده مثواها

من طيبها دائم تجود و تعطي=وتشهد بمدات العطاء يمناها

أبكى عليها كل ما أطريها=وإذا طرى في خاطري ذكراها

من بعدها مقدر اجي منزلها=واروح غرفتها ولا القاها

كل شي داخل بيتها فاقدها=إفراشها سجادها إمصلاها

و سريرها اللي بعد راحت فاضي=ودولابها الصامت وكيس دواها

وكل مافي بيتها يسألني=شناطها وأمشاطها وحذاها

كلن يكرر في سؤاله ليه=ياوين روح الغالية نبغاها

الله ياما اقسى طعم غيبتها=الله يامكبر ألم فرقاها

ياليتها لو هي خذتني معها=ولا بقيت بدونها ارثاها

يارب تجمعنا بها ف الجنة=في جنة الفردوس أبي مثواها

د. خضر اللحياني