قصائد مكتوبة

قصائد مكتوبة »

الأمــل

لو لا الأمل ما كان عشنا من الهم=ولو لا الفرح كان انتهينا بالأحزان

الحزن طعناته خطيره كما السم=والهم في صدرك يهزلك الأركان

والكيف غاية ماتوازن مع الكم=وقدر الأثر دائم لمقياس الأوزان

ياللي سكنك الياس لاتحرق الدم=دام المقدر مايجي لك بالإمكان

ودام الأمل فـي خالقك ليش تهتم=أطلب من الله لطف وأطلب لك إحسان

والا تعيش العمر من هم في غم=وتشوف من جور الزمن كل الألوان

لايشغلك من جاك بالمدح والذم=الصمت عن بعض المخاليق حقران

محدن بيدعيلك مثل دعوة الأم=أحرص على رضاها ولو كان ماكان

والله لو إن الحزن والهم يلتم=ما أثرت فينا ولا حزنها بان

أم النبي موسى رمت به على اليم=وهي قلبها طائر من الخوف شفقان

لكن حفظه الله ورجعت له تضم=وأصبح بدعوتها عظيمن وله شان

يافاقد الآمال لاعاد تهتم=ولايتعبك حزنك لياصرت حيران

وخلك بذكر الله وعطر به الفم=وعيش الفرح وأنسى المآسي والأحزان